WE Mongolia ТББ-аас жил бүр зохион байгуулдаг "STEM салбарт охидыг дэмжих" тэтгэлэгт хөтөлбөр 4 дэх жилийнхээ нээлтийг 2024 оны 12-р сарын 18-ны өдөр МУИС дээр амжилттай зохион байгууллаа.
Нээлтийн ажиллагааг МУИС-ийн Оюутны хөгжлийн газрын дарга, доктор Б. Цэцэнцолмон нээж, тус сургуулийн авьяаслаг оюутан Н. Чинбилэгт хөтлөн, морин хуурын аялгуу өргөв.
Нээлтэнд Монгол Улсын Их Сургууль /The National University of Mongolia/-ийг төлөөлж Оюутны хөгжлийн газрын дарга, доктор Б. Цэцэнцолмон; Мэдээллийн технологи, электроникийн сургуулийн захирал, профессор Б. Ганбат, профессор Н. Оюун-эрдэнэ, дэд профессор Б. Сувдаа; Оюутны хөгжлийн газрын ахлах мэргэжилтэн Л. Чинзориг, Х. Туяацэцэг, мэргэжилтэн А. Пагамсүрэн, төвийн мэргэжилтэн Ц. Энхтайван нар; WE Mongolia ТББ-ыг төлөөлж үүсгэн байгуулагч Ц. Сарангэрэл, Монгол дах салбарын гүйцэтгэх захирал Б. Оюу, ерөнхий зохион байгуулагч Ж. Бурмаа, зөвлөх Ч. Энххорол; Эмпасофт Технологийн Сургуулийн захирал Н. Энхсайхан нар оролцож, тэтгэлэгт шалгарсан оюутнуудад баяр хүргэн, тэтгэлэгийн батламж гардууллаа.
Мөн "STEM салбарт охидыг дэмжих" тэтгэлэгт хөтөлбөрийн 2023-2024 оны "Шилдэг Оюутан" Б. Хүслэн уригдан оролцож, сэтгэгдэл туршлагаасаа хуваалцаж, хөтөлбөрийн оролцогчдод урам зориг өгч, баяр дээр баяр нэмлээ.
Comments